Change Tomorrow - نغير بكره

  • Ihda2 - Dedication (2007)

 

 

 

                           

 لازمه

بدنا نتعلم    ,  ونتقدم

نلاقي القدره   ,   نغير بكره

 بدنا نتعلم    ,  ونتقدم

نلاقي القدره   ,   نغير بكره

 

تامرنفار:

 ولد صغير بعالم كبير

 تايه ,  مش عارف ايش بصير

 يادوب فتحت عينك ,  دمعت

 يادوب فتحت قلبك ,  توجعت

 يادوب انضميت النا, شفتنا

 مفرقين يهود مسيحيه ومسلمين

 ولا واحد بده يتفهم غيره

 الكل بفكر انه احسن من غيره

 بس هو يستاهل الجنه, وحاليآ

 كلنا معيشين بعضنا بجهنم

 أما, انت غير عنا قلبك

 نضيف من جوه ترضاش للي بره

 يوسخولك اياه, طالب بحياه كلها

 مساواه اذا حد قالك اكره

 قله لا أنا ما بكره حد

 أطفال اليوم بدنا نغير الغد

 

لازمه

 

سهيل نفار:

 الطريق للمساواه كتير كتير طويله

 فيها تقابل ناس قلوبها مش نضيفه

 تحاول تحسسك انها اعلى منك

 واذا هي بتفكر هيك يعني هي اوطى منك

 انت, مش ارهابي , انت , مش حيوان

 انت انسان , اللي مخرب اسمك

 اشي اسمه سياسه, توخد المنيح منك

 لآنها طمعانه, وفي ناس معاك ماشيه

 لآنها حزنانه, عالعربي المسكين

)لا لا يا حرام( بدكاش هالمساعده

 كلمة مسكين طلعها من راسك

 المسكين بسكت وانت احكي اللي باحساسك

 تستحيش, فيش فيها عيب

 احنا وقعنا, انت وقف عاجريك

 احنا بكينا, انت امسح دموعنا

 يا لحمي ودمي ارفعولنا روسنا

 

لازمه

 

محمود جريري:

 بدي اسهل

 طريقك, توصل المستقبل؟!  تعلم

 تاريخك, اعرف ايش هاد احتلال

 خللي قلبك متمسك بكلمه استقلال

 وهلأ, عيدو من وراي , الأبيض

 وأسمر )أبيض وأسمر) الأخضر وأحمر

)أخضر وأحمر) بنلون

 تراثنا, بنحسها ولو انها مش قبالنا

 اللي محاها, لسا ما ماحانا

 معذبنا؟! اه  اذا انت مش متحمل

 تمسكش سلاح بل امسك قلم وسجل

 انا عربي زي محمود درويش

 انا, بقتلش غيري بس عشان اعيش

 قلبي يصرخ احنا بني آدمين

 راسي مرفوع باسم فلسطين

 ايدي ما تهجر ناسي المهجره

 أمانيهم على رقبتي جنبك يا حنظله

)وقف الموسيقى, اذا مش عارف

 على ايش بنحكي, روح اسأ ل اهلك(

 واذا ولا واحد عارف يجاوبك, تعلم

 لحالك عشان يكون مين يجاوب ولادك

 

لازمه