Lord of Revolution - إله الثورة

  • singles

Marwan Makhoul featuring Tamer Nafar and Terez Suleiman 

تيريز سليمان: إلهي!..
أعِدْني إلى الصّحراءِ
 من فضلِك وامْحُ الحدودَ الّتي علَّبتني، وشوّهتْ وجهَ المدى

تامر نفار:
 انصبلي خيمة عوتدين قبال الواحة
شوية أعشاب وحجرين بدال قداحة
هل يا ترى العالم, حينتبه عغيابنا؟
إلهي!.. أعِدْني إلى الصّحراءِ من فضلِك

بلا أيفون حوالين النار مع ولدي قاعد
بغنيله لزرياب برويله عن زمن غابر
بلا ما يصلو إس إم إس عن أخبار فضل شاكر
 إلهي!.. أعِدْني إلى الصّحراءِ من فضلِك

لازمة تيريز سليمان:
الهي,
وقف دوران العالم
مش قادرة اتحمل
 دخت وبدي انزل

الهي,
وقف دوران العالم
مش قادرة اتحمل
 دخت وبدي انزل

مروان مخول:

في الغابِ ما ليسَ فينا؛ يأكلُ الوحشُ وحشًا  
إنْ جاعَ لا وحشَيْنِ  
الهي هَبْ لي بلادًا ملاذًا؛

لا دينَ فيهم ويحيَونَ في سِلمٍ كما ترى،
أمْ ترى اللّيث

يَقتلُ من أجلِ مذهبِهِ الطّائفيِّ ظبيًا، يا إلهي!؟                         
الهي هَبْ لي بلادًا ملاذًا؛

لازمة تيريز سليمان:
الهي,
وقف دوران العالم
مش قادرة اتحمل
 دخت وبدي انزل

الهي,
وقف دوران العالم
مش قادرة اتحمل
 دخت وبدي انزل

 

مروان مخول:

على ظهرِ الصّواريخِ أمريكا تُصَدِّرُ عدلَها العصريَّ،

يوميًّا روسيا تُمانعُ! فتزرعُ وردةً سوداءَ في البارجاتِ

على شاطئِ الشّرقِ المقدّسِ والمُكدّسِ بالمذابحْ.

تامر نفار:
فش لوم عالغريب, مش اني عم بحن
بس اسم اللعبة سياسة و-ليت ذا بيست مان وين
واحنا  "صامدون يا وطن" تعرفو مين كمان صامد؟
 الصنم, طيور العالم بتوسخ عليه وهو لا حراك
وبس بلم غبار عمدار الزمن, مش حلوم الزعيم, الزعيم
مجرد توب, بنخلعه وبنلبس غيره بس جسدنا بضله عفن
كمان طفلة, كمان طفلة  محروقة بين ايدين ابوها
بطلت احوق, هاي العراق, فلسطين مصر ولا سوريا
لو انحط بموقف مشابه اللي فيه فشلت احمي طفلي فا بسهولة
بقولها, اتركوا اولادي , وخدوا هالعروبة
الهي, سكر تم الوطنجيين وتجار الكليشيهات للحظة
مجبور اعترف, مش قادر اتباهى اني عربي اخر فترة
انا واعي انها مؤامرة بس حتى لو نتفق ونهتف انو
الغرب بزرع بينا الفتنة تعو نحاول نزرعها
بينهم وبنكتشف انو بس عقولنا الخصبة
لما الفردوس مات بعيون البشر الاول احنا اخدنا
من الورثة بس وحدة قابيل وهابيل الاخوة
وهم اخدو التفاحة وطوروها ل-اپيل
واحنا,لسا بنصنف وبنكمل نتمبل
هاد لوطي هاد نسونجي هاي عاهرة هاي قحبة
هاد اخونجي هاد ملحد ليش مش متجوزة يا معنسة
هاد سلفي هاد قبطي,
اذا في ديني مكتوب تفرقة فانا بدي اكون امي
الهي, اذا هاد صوتك بالمنابر زي ما هم قايلين
 فأهديني مكيف واحذفني اللي الجحيم مع باقي الصالحين

مروان مخول:
في بلادي سُنّةُ اللهِ شيعةُ الآخرينَ، والصّليبيّونَ يهودًا

يجلسونَ على الحِيادِ ولا حِيادَ على الجِياد!