Like the rest of the millions I also want millions - زي الملايين بستنى الملايين

  • singles

تامر النفار

ولا بتغير
ولا الوضع بتغير

(بيت 1)
فيش حبة غيوم بالأفق, قحط لطول العمر
ولّع حطب أدبك دبكة هنود حمر
أيدين ماسكين بشكل دائرة راكضين بشكل دائرة
متوقعين يكون بال-شيقل فائدة
صار معي فلام, عرضت مع الدام
لناس شبه غاندي وشبه جاكي تشان
قاموسي باللغات, صار غني هان
وما بستعمل غير ""No Tenjo Dinero  - Ain't No Money Man
فزت بلقب عدم أشتباه بحد
فتت مياه لحد ما تاه أتجاه الشط
يما أفتخري, في هالعمق بفوتش الاّ القرش
ستيفي ووندر, بغني وباشوفش ولا قرش
كيف تغلبت عالصعوبة؟ هاد الشاب اللي قدر
وقفت ع-3 اجرين لأنو حد حطلي أجر
فتت عالبنك بجاكيت لانه حسابي تحت الصفر
ولسا ماشي, يما , بقالي كم من متر

لازمة:
ولا مرة, ولا مرة, ولا مرة, ولا مرة
لا انا بتغير ولا الوضع بتغير
تحت السما واقفين إيدين مادين
زي الملايين عم بستنى الملايين
ولا مرة, ولا مرة, ولا مرة, ولا مرة
لا انا بتغير ولا الوضع بتغير
تحت السما واقفين إيدين مادين
زي الملايين عم بستنى الملايين (بيت 2)
الدراما بعيون الفنان كوميدية, كمثال بالشغل
بقوم بورشات عمل لولاد من حارات فقر
مانا عملت شي من ولا شي, مثل اعلى
برشدهم كيف بالقلم يعطو الألم معنى
ولاد جدعان, كل حدا بدو يصير حدا
بذكروني فيي أنا قبل ما أصير أنا
فا بقلو:  حبيبي, لا تكون لص, صبابا؟
وبراسي بقول دبرولي راديو ديسك سيارة
الفضائيات مصفاي, فناني المي مع التيار جوة
وفناني الأنتفاضة مع الحجار برة
أذا بطلب بث بس مرسيل خليفة
بكون متلهم, اللي عندهم بس مادمازيل أليسا
بالراديو ديسك اللي عندي, لا تخاف ما جبتو من الولاد
في فيروز فيو نانسي فيو تريو و- BIG و Pac
الشاشة بتحلو اذا بتتلون, لحد ما تيجي هالأذا
كمل أدبك, القوس قزح بيجي بعد الشتا
لازمة:
ولا مرة, ولا مرة, ولا مرة, ولا مرة
لا انا بتغير ولا الوضع بتغير
تحت السما واقفين إيدين مادين
زي الملايين عم بستنى الملايين
ولا مرة, ولا مرة, ولا مرة, ولا مرة
لا انا بتغير ولا الوضع بتغير
تحت السما واقفين إيدين مادين
زي الملايين عم بستنى الملايين (سي پارت)
لحد مماتي, هادي هي حياتي
على هادا الضو انا بسهر الليالي
بدي سيارة, بدي دار مع بركة
وبالمقابل مش ماعطيك شي مبادئي
عندي صبي, بدي صبية
أحنا والماما نتفسح شوية
ننقل لحارة, اذا بطخو فيها
بدي اخاف زي الناس الطبيعية
حد مماتي, هادي هي حياتي
على هادا الضو انا بسهر الليالي
بدي سيارة, بدي دار مع بركة
وبالمقابل مش ماعطيك شي مبادئي
عندي صبي, بدي صبية
أحنا والماما نتفسح شوية
ننقل لحارة, اذا بطخو فيها
بدي اخاف زي الناس الطبيعية