Shidu il Hime - Soundtrack of Milh hada al bahar - شدو الهمة موسيقى لفلم ملح هذا البحر

  • singles

 

شدو الهمة

 (موسيقى لفلم "ملح هذا البحر)

اللازمة مأخودة من "شدو الهمة لمرسيل خليفة

 

سهيل نفار:

الجديد عليه غبرة بالمخزن جوّة ورى

مش حا ينضف لن عايدة بعدها مش عائدة

كانت بالمخزن لما أنطرّت ونهر البارد

على نار بغلي ميته لسّا ما تبخرّت

ما راجعة لا حد ما يعمروا كل عمارة أساسها

لا حد ما يرجعوا كل بلاطة

لمّا نطرّت قالت دهيشة قلندية بيوم الجمعة

بالأول ورجتهم العين الحلوة

بس هما ورجوها العين المرّة

دخلو جعصوا بالصالون حشروا الأخو بالحمام

و الأخت عالبلكون, هم مش عارفين أنهم داخلين

على أرض ملانة صبر وهما عريانين

متوقعين يطلعوا بلا شوك

متوقعين إنه اللي تهجريموت

والجيل الجديد يكون بلا شوق

يكون بلا شوق¸ يكون بلا شوق

 

لازمة مأخودة من مرسيل خليفة

شدّوا الهمّة الهمّة قوية

مركب ينده عالبحرّية

يا بحريّة هيلا هيلا

هيلا هيلا

 

محمود جريري:

في اللي يقولو لشعبي أنه الرجوع حلم

أنا بقول أنه الرجوع مؤكد فا نقطونا بالسكوت عنواننا

أله أسم فلسطين بقلوبنا ماكلة حلم مؤبد

قدر النزوح هو الرجوع الظلم أله وقت محدد

إحنا شعب مع مفاتيح عالرقوب كتذكير

للقلوب في بيوت بتستنّى بتحريك القفول

حقنا مشروع مكتوب مرسوم محكوم

بقيود بحروب بوجوه تحكي معانا بملامح الشكوك

وأحنا نقابلهم بوثوق كوثوق شروق الشمس

فا أحكوا معنا بوضوح مش بغموض كغموض الهمس

أنتو فاهمين المينا اللي ودّع لازم يرحّب

الخيمة اللي نصبت لازم تنطوي هلأ خلّيني أكمّل

بأشي صغير للعالم الكبير إحنا مش راح ننسى

تفاوضو من هون لبكرة قلت إحنا مش راح ننسى

هاد إللي مع الجزمة مش راح يفهم الأجرين الحافية

إحنا مش راح نهدى إلا بأحضان الوطن الدافية

 

لازمة مأخودة من مرسيل خليفة

شدّوا الهمّة الهمّة قوية

مركب ينده عالبحرّية

يا بحريّة هيلا هيلا

هيلا هيلا

 

تامر نفار:

نعم نحن هنا, حقول ينمو فيها الأستمرار

صمودكم مخالب مغروزة بالجماجم كتذكار

نحن هنا كحراسة, نحن هنا من مسافة

وكلمة نحن هنا وصلتنا بالوراثة, نعم نحن هنا

كأسئلة لأجوبة مفاوضات مبرمجة

شوكة لبالون وطنية أصطناعية مستهدفة

نحن هنا كبعد, هنا كأفق هنا كشمس الحق

ومين ألو عين يقاوم الشمس, نعم نحن هنا

اللحن الصح بسيمفونية سلام كلها نشاذ

قبح واقعنا صار لوجوه السياسيين مكياج

بجوعنا وعطشنا غلّفوا بضاعة ربحية

كروش القواد تشرق وحلولنا مغيمة

وما زالت أمانيهم منورة

يا زمن شقلهم طريق العودة

وشد الهمّة الهمّة قوية

أنشاللة نراكم قريبا" باللد

 

 لازمة مأخودة من مرسيل خليفة

شدّوا الهمّة الهمّة قوية

مركب ينده عالبحرّية

يا بحريّة هيلا هيلا

هيلا هيلا