Lissa al Dunya b kher ya Wrde - لسا الدنيا بخير ياورده

  • singles

 

   لسا الدنيا بخير ياورده

تامر النفار:

 

   بخير مين

والباص مليان, احرق جورج وانسى

لسا, الدنيا بتدور حوالين التسعه

ال-B.M. الكوك والكريستال

اللداوي طير جناحه مكسور وسماه

ملغومه بنسور الحكومه, اللي

بتحطلنا اجر, نحاول نخطى متر

واللي يطلع بايدنا بس السبعه او التسعه ميلمتر

 

 

سهيل النفار:

الحياه امتحان,  واللي

بمتحنك معطيك امتحان الي زيه ولا

مره كان, واحنا بنسقط وبننزل

بنادي بعض وين يا ورد,  قد ما بندبل

والورد الوحيد الموجود

هو الورد الي حطينا عالتابوت

ياورد صرنا تحت الآرض, ياورد احنا

ضد احنا بحرب, ياورد احنا بدرب

مخطط, انه نكون شعب مشتت

نقابل بعض بس اذا سلاحنا تمشط

والغرض يقوي ويحمي

ويبني اعداء مع غرض عوجهك

وطلقات مكتوب عليهم اسمك

الحكومه تمشيك لقبرك

يالداوي اجمد بعقلك قيد جسمك

ومش بثارك  (لسا الدنيا)

 

 

بخير

ياورده, السما مفتوح كون طير ياورده

الجناح مكسور ؟! ابدا بالسير ياورده

واذا لسا حاسس حالك مخنوق (اه؟!)

طلع راسك من الميه !!!  (لسا الدنيا)

 

 

بخير

ياورده, السما مفتوح كون طير ياورده

الجناح مكسور ؟! ابدا بالسير ياورده

واذا لسا حاسس حالك مخنوق (اه؟!)

طلع راسك من الميه

 

تامر النفار:

بال-48 قلبونا لأقلية الأحياء

بال-16 قلبنا حالنا لأكترية الأموات

قلوب فاقده وايدين مسلحات

قلوب لابده ورصاصات تايهات

 احنا,عايشين بفقر,  شوادر سمر

عالعيون اللي ماتشوف غير الأبيض الي يجيب

ميتينات حمر,   دولارات خضر

الي تسهل عمر, وما تكمل عمر

بسكرولنا بوجوهنا بواب العلم

بفتحولنا بواب السجن, واحنا نفوتها

طريق الامبريزا توربو الصافينها ببيوتنا

والصافانا عقبورنا, لحد ما نصفى من

اخو لأخو؟! من لحم وعضم ؟!

ل-كلاشن بكلاشن ؟!  يالداوي اصمد

النار لسا بتصمت؟! بتهون ياورد

اخريت كل نار تبرد (لسا الدنيا)

 

 

بخير

ياورده, السما مفتوح كون طير ياورده

الجناح مكسور ؟! ابدا بالسير ياورده

واذا لسا حاسس حالك مخنوق (اه؟!)

طلع راسك من الميه !!!  (لسا الدنيا)

 

 

بخير

ياورده, السما مفتوح كون طير ياورده

الجناح مكسور ؟! ابدا بالسير ياورده

واذا لسا حاسس حالك مخنوق (اه؟!)

طلع راسك من الميه

 

محمود جريري:

شوف, جهات معينه بدها ايانا نكون

مغمضين, حتى لو حطوا سماعات مانكونش

سامعين, واذا ورونا جهات نكون

تايهين نحلم نكون مفتحين

واذا فتحنا بنشوف واحد لابس حطه

مادد فرد ومصمده عكمان حطه

والعقال بلف شمال يمين بهف

و-100 ام تترجى منه يخف

هيك, احنا حياتنا باللد

الحكومه طرق تسد وجثث احنا نعد

هيك, احنا حياتنا باللد

نار الأيد بتمد بنفس اخوي بتهد؟!

هد هد واحنا حنضل واقفين عأجرينا

ناسيين ماضينا وعايشين حاضرنا

ومتأملين ليوم جديد بمستقبلنا

ومستقبلنا بايدينا   

 

 

(لسا الدنيا)  

 لكل اهل اللد الرمله يافا عكا الطيبه والي نسيتوا 

 (لسا الدنيا)

لكل اخواتنا بالسجون بكره بتفتح البواب وبتهون

 (لسا الدنيا)

حتى لو جوعوك, مش حجه انك توكل اخوك

(لسا الدنيا)

 الأسم الي ما بنتسى, بوبا, حسام, الله يرحمك ياورده

 

 

بخير

ياورده, السما مفتوح كون طير ياورده

الجناح مكسور ؟! ابدا بالسير ياورده

واذا لسا حاسس حالك مخنوق (اه؟!)

طلع راسك من الميه !!!  (لسا الدنيا)

 

 

بخير

ياورده, السما مفتوح كون طير ياورده

الجناح مكسور ؟! ابدا بالسير ياورده

واذا لسا حاسس حالك مخنوق (اه؟!)

طلع راسك من الميه