Asami - الأسامي

  • singles

 

الأسامي

 

تامر راب:

لليوم مش داخل

راسي, كيف اللي أسمو عصام بصير "آسي"

عامر ل- "عومر" وعبد ربو صار "آفي"

عشان تصير كلاسي, أسمك صرت ناسي

مالي صبر يا ناس بالظبط زي عاصي

مارخصكم لبنات الخواجات, رابطاتكم زي

القشاط, مستعد تزل حالك بس عشان "تالي"

ولا "عنات", لو أنك عرفات كان صرت معطيها

القدس والأقصى, كلو مقابل رقصة ؟!

أيخس أختشي, أندال زيك بتمحي تراثي محي

مين معي؟ بفكر أنهم معميين عمي

عشانها لابسة بلا هدوم برمي كرامته رمي

وهلأ قدام الكل, بصرّخ أنني

عربيون أنا, أخشيني

من أصلي بنساش أصلي وفصلي بس عشان ال- ميني

ولك جعلّك ما خدتيني آخريتي ألاقي اللي ترضيني

وبمكتوب العرس أسمي تامر مش "تومر" ياللي طنشتيني

 

 

لازمة:

بكل ثواني عنّا, بغيروا أسامي عنا

بكل ثواني عنّا, بغيروا أسامي عنا

أيش بدنا نسوّي أحنا؟ نضلنا نغنّي أحنا

أيش بدنا نسوّي أحنا؟ نضلنا نغنّي أحنا

1 2 3, يا بنات الخواجات

1 2 3, يا بنات الخواجات

أنا عربي, أنا عربي

عربي عربي, عربي عربي عربي عربي

 

تامر راب:

أغيّر أسمي ليش؟ قالولك عني رخيص؟

أغيّر أسمي ليش؟ كني هارب من البوليس؟

يكونلي 100 شخصية؟ عشانك عنصرية ؟

طب بالمرّة أشكري ربك أني حامل هالهوية

بضلني ت لل أ, لل    M    E    R

أيش صار؟ تامر النفار ضلو تامر النفار

ولا بغيرو, ولا ما يحزنون,  أني أكون

عربي فخور, مش ضد القانون (حالّيا")

وأول ما تسمع أنو أسمك محمد

بتلوي بوزها وقلبها بتجمّد

وهلأ عشان الحبايب بنصرخلها مع بعض

"محمد, محمد, محمد محمد محمد"

طقّي موتي, يا بنت الناس روقي

من غير شعبي صدقي ما بتدومي

يا ست, العرب جابو الطب, معاكي

 تامرفوزي جميل محمد نفار من اللد

 

لازمة:

بكل ثواني عنّا, بغيروا أسامي عنا

بكل ثواني عنّا, بغيروا أسامي عنا

أيش بدنا نسوّي أحنا؟ نضلنا نغنّي أحنا

أيش بدنا نسوّي أحنا؟ نضلنا نغنّي أحنا

1 2 3, يا بنات الخواجات

1 2 3, يا بنات الخواجات

أنا عربي, أنا عربي

عربي عربي, عربي عربي عربي عربي