Sound of Silence - صوت الصمت

  • Slingshot hiphop (2008)

 

صوت الصمت

(ولاد الحارة تستضيف عبير الزيناتي)

 

صوت عالي عالي صامت

صمت عالي عالي فينا كابت

 

علاء بشارة

صوت عالي عالي بس صامت

صمت عالي عالي فينا كابت

متل تشارلي تشابلين الكل ساكت

يعني صوت صمت عنا متواجد

في حدا ضل هون صامد؟

كلو صفّى بس قلب نابض

وتمن صوت صمته قابض

ينعد منا وفينا بس غامض

يعني الأشي موجود بس مين يحس

مع انه للأشي في أعلى حس

وهادا هو الوجع انه في صوت بس ما

نسمع حاول يطلع بس hey أنمزع

ويلس مفكر أخرس لمصيبته خضع

هو بحكي بس صوته بقلب مصيبته أنبلع

الصمت بالصوت أنوضع وهاي نتيجة اللي تيجي

لمَا حليب السكوت ينرضع حليب السكوت ينرضع!!

 

لازمة

عبير الزيناتي

انولدنا عشان نخفي ، صوت الصمت

حياتنا بقيت تكتفي ، بصوت الصمت

لحد ما صوتنا يشفي ، صوت الصمت 

صوت الصمت, صوت الصمت, صوت الصمت, صوت الصمت 

 

عنان قسيم    

واحد تنين تنين أبدا من وين من صوت

نظرات حب صامتة تخلي عضمة لساني رابطة

ولا من صوت نظرة سياسية هابطة

من ناطحات سحاب و فيي خابطة ولا

من صوت نظرة شاب بعالم بس بنات عالخارطة

 ولا من صوت نظرة جيل أعداد فارطة

ولا ولا والله مش عارف

من غير عيون شايف بس بلا تم خايف

اضل ساكت؟ واتاكل من الدئاب

من كتر الصمت السكون اليوم بضيع بالغاب

والصمت كبت فا أنسى تلاقي جواب

لكن قلمي أسّا تجرأ حطم وكسر

الجرة وطلع كلشي برّه

خلى كل تانية مرة مرة واحدة و ما تنعاد

من اليوم وطالع كلشي تشوفه بشاشة تلات ابعاد

يعني صوت صمتي وصل لهاد

 

لازمة

 

عدي كريم

عايشين بظل أمر... منتكل عالصبر...

أحنا ورود نزرعت بين حجار منموت تنشوف بكرا...

ما حدا سمعنا عشانا بلغه غير...

لغة أبن بدو يغير الطريق...

أحنا لغة بنت بدها عالم بلا تفريق...

أحنا أكثر محل صرنا نروحه – وره الظهر...

الناس بتسمع بس بتخبي تحت التربة جمر...

الي تفرجي للأموات القهر بلا ما حدا يدرا بالأمر...

أحنا تشي جيفارا موجود بقلبنا...

تنحرره تيحررنا ...

أحنا أحنا صرنا حتى لما...

نيجي تنواجه المشاكل...

نتذكر أنا عرب الداخل...

بقنع حالي أني جاهل وبفضل أسكت...

صوت قطرات الدمع اللي تنزل مش مسموع...

بس راح ييجي يوم فيضان يحصل مش ممنوع...

أذا ما بجاوب... ما حدا بسأل...

ما بأمر ما حدا بعمل...

بدون ما نحكي ما راح نوصل وهذا صوتي...

عبير الزيناتي

حياتهم تتغير بس (لكن) هي اللازمة باغنية تعيد

اولها صمت اخرها صمت واكتر من صوت ما تريد

قالت بدي قالولها لا انت العرب واحنا نكون

قتلوا احلامها وصوتها بكاتم صوت ملعون

غنيت وحكيت قالولي صوتك هدا عورة

عقدولي لساني امروني اغني وشو سموني حرة

شفت اللي راح شفت اللي اجا

شفت حياتي ومثلي ما شاف حدا

صوتي بثورة ما ضل منها حتى الصدا

صوت الصمت صار شعار حياتي انا

 

اللازمة

 

يا عنان قلي لمين بدي غني?

يا عدي جاوبني شو بدي احكي؟

يا علاء ساعدني كيف بدي اشكي؟

وجعي اللي بقلبي همي بصوت صمتي